Íñigo Errejón fala sobre o proceso de des-constitucionalización que as elites do Estado Español están impulsando, rachando o réxime por arriba, contrario aos intereses populares. Fronte a isto, para tumbar o edificio institucional creado no 78 para frear un proceso popular, é necesario un bloque popular plurinacional que contemple o dereito á autodeterminación das nacións.
Neste momento de dictadura dos poderes financeiros internacionais - dos que as elites do Estado Español non son máis que monicreques - é preciso que a esquerda ocupe o espazo que perigosamente podería ocupar o populismo - tanto en sentido conservador como progresista -, o de resaltar a dicotomía entre as elites e a maioría popular.
En Europa, este espazo anti-elites está perigosamente ocupado polo euroescepticismo ultradereitista. Cómpre que a esquerda europea acumule forzas contra a Europa do Capital evitando que o sentimento anti-institución da UE, que representan o sometemento dos países do sur de da maioría popular aos podedes financeiros, sexa hexemonizado pola ultradereita.
Pero, para deter esta construción europea a favor dos poderes financeiros e contra as clases populares, é preciso ocupar o poder nos Estados, que a xente do común ocupe o estado para declarar ilexítima a débeda que esgana á maioría social. En Latinoamérica, previamente á integración rexional, acumuláronse forzas para tomar o poder do Estado. Precisamos o poder do Estado para cabar coa dictadura da débeda.
Precisamente, a cuestión da débeda ilexítima é "unha das fronteiras sobre as que construír unha identificación popular potencialmente maioritaria", sinala Íñigo Errejón.
No hay comentarios:
Publicar un comentario