Descenso de afiliacións á Seguridade Social, paro e perda de poboción: os "éxitos" de Nadal de Feijóo

No mes de decembro o paro rexistrado so aumenta en tres comunidades autónomas, entre elas Galicia. O descenso interanual do que está a alardear o goberno galego no noso país é inferior ao que está a experimentar o resto do stado onde a taxa e do -3,04 por cento mentres que en Galicia é do -2,77 por cento.

Pero, ademais, o descenso de persoas afiliadas na Seguridade Social é maior que o aumento do paro rexistrado, xa que son moitas a persoas desempregadas que non se rexistran nas oficinas de emprego dada a súa inutilidade e polo propio desánimo e desesperación que está a padecer a cidadanía.

O problema do desemprego segue a ser un drama no noso país para o que é preciso impulsar políticas urxentes e abandonar a liña publicitaria e mentireira que mantén o goberno de Alberto Núñez Feijóo que coa súa inacción e a súa constante manipulación dos datos non só demostra unha total falla de interese polo drama do paro e a sangrante perda de poboación, con máis de 15.500 persoas menos segundo os últimos datos publicados, senón que deixa en evidencia a incapacidade do seu goberno para facer fronte aos problemas reais da cidadanía do noso país.

Detrás das cifras, milleiros de dramas persoais.