Contra a suba do canon de Sogama

A Xunta planea subir o recibo do lixo, aumentando o canon que Sogama cobra aos concellos nun 40% .

O aumento supón 14 millóns de euros máis para Sogama e unha maior carga tributaria para a cidadanía galega. 

O Partido Popular ten previsto no proxecto de lei de Orzamentos para o 2014 unha suba do canon de tratamento do lixo na planta de Sogama dos actuais 55,91 euros/tm a 74,64 euros/tm, o que supón un incremento dun 40 por cento, que se trasladará ao consumidor no recibo do lixo e, por tanto, unha maior carga tributaria para a cidadanía.

[Moción de urxencia en Chantada contra a suba do canon de Sogama.]

A xunta de Galicia está a preparar un novo golpe aos petos da cidadanía, unha vez máis coa escusa da crise. Os cambios do regulamento do sector eléctrico van facer que SOGAMA vexa mermados nuns 13 millóns de euros os ingresos pola venda de enerxía que se xenera coa incineración de residuos.

Para tratar de apaliar esta merma a Xunta estuda aprobar unha suba do canon que esta sociedade privada lles cobra aos concellos o que vai supoñer que encareza aínda máis o recibo do lixo, este aumento pódese cifrar nunha suba duns 12 euros por familia. Unha cantidade que non a decidimos nós, son cálculos da propia Conselleria de Medio Ambiente e de SOGAMA. Se a sociedade ingresa uns 54 millóns ao ano por enerxía, e esta facturación baixa 13 millóns por mor dos recortes no sector enerxético, o canon terá que subir un 26 % como mínimo.

O presidente da Xunta xa confirmou estes datos porque os planos que manexa a empresa pasan por aumentar a fonte de ingresos máis doada, a que pagamos a cidadanía a través do canon, así compénsase o que deixa de ingresar polo negocio eléctrico.

Un novo ataque aos ás xentes do común, que vemos como segimos a ser os “paganos” dunha crise que nin provocamos nin nos enriquecemos con ela, como fan outros.

Non toca agora analizar polo miúdo o complexo mundo de Sogama. Están de actualidade as denuncias de contratos millonarios irregulares, despedimentos por falseamento de datos, vertidos tóxicos ao río Lengülle, ademais da pobre capacidade recicladora da planta e as emisións de substancias perigosas á atmósfera derivadas da incineración, ao que hai que sumarlle o escándalo na xestión dos residuos farmacéuticos do punto Singre, o que nos converteu durante máis de seis anos no vertedoiro ilegal de todo o Estado Español.

En setembro do ano 2012, hai escasamente 6 meses, a Xunta de Galicia, a través do seu Conselleiro de Medio Ambiente, Sr. Hernández, declarou, e hai hemeroteca dabondo donde comprobalo, que “A Xunta non se plantexa encarecer o canon, e menos no escenario actual. O sistema é sostible e viable financieramente”, e aquí é donde entran as dúbidas... nun escenario de crise para que non sufra a cidadanía ou pola proximidade das eleccións autonómicas, lembremos que se celebraron un mes despois, en outubro de 2012. Pois ben, non hai moitos días, a mediados do mes de marzo, o mesmo conselleiro, Sr. Hernández. di que “O momento é malo, pero o futuro de Sogama pasa por subir o canon. En seis meses! Que pasou? Ah si: cambiou o escenario... Xa non hai eleccións. Esta é unha nova “falta de respecto” do PP á cidadanía antes e despois dunas eleccións.

Que vai pasar.... as contas son doadas de botar, Canto paga cada fogar pola recollida do lixo? Se a esa cantidade se lle engade un aumento previsto do canon de ata un 40%... A canto ascende o novo recibo pola recollida do lixo?