Debate Sexta Feira (24-1-2014): a Ribeira Sacra en Fitur, acordos da PAC e suba da cotización a autónom*s

* As intervencións aquí.

Intervén por Anova Paula Vázquez Verao, que sinala que non chega coa publicidade para fomentar a Ribeira Sacra como destino turístico, "precísase fomentar aínda máis a gran calidade do turismo na zona": hai que mellorar aínda máis a sinalización turística, as guías, o uso de novas tecnoloxías... Ademais, as administracións teñen que facer un plan de recuperación e conservación do Patrimonio e do Medio Ambiente da comarca. 

Sobre o reparto de axudas da PAC, Anova sinala que Galiza sigue perdendo co reparto das axudas (menos dun 4% dos fondos que ten o Estado, cando o noso é un país agrario). "Que sinte unha labrega cando sabe que as grandes fortunas son as que acaparan as maiores subvencións, pois estas se vinculan á superficie agraria?" Estamos nun modelo de agricultura que prima as grandes empresas, que non necesariamente teñen a maioría da súa actividade orientada á agricultura. Nós estamos por outro modelo agrario, de circuitos pequenos, de soberanía alimentaria: maior calidade e fixación de poboación no rural.

Sobre a suba de cotización a autónom*s, consideramos que isto só vai supor máis paro e empobrecemento, alimentando o círculo vicioso da crise. "Que sinte un atónomo cando sabe que as grandes fortunas seguen a defraudar? Esísexe todo ás persoas máis humildes".

Entrevista a Luis Eyré en Radio San Borondón (Canarias): "O proxecto de unidade da esquerda é un obxectivo irrenunciábel para Anova"

 

"A fórmula para tirar abaixo o réxime da Segunda Restauración Borbónica é a unidade de acción en torno a obxectivos concretos", afirmou Luis Eyré nunha entrevista realizada pola canaria Radio San Borondón encol da proposta de fronte ampla que Anova realizou para as eleccións europeas.

Nunha situación de descrédito da política - cultivado polo neofascismo, que xa está aí: reforma do código penal, recortes sociais... - cómpre que a cidadanía verifique que é posíbel ir camiñando cara unha ruptura democrática do réxime, impulsada pola propia cidadanía. As europeas son unha oportunidade de ensaio dese escenario, que cómpre artellar cos movementos cívico-políticos e dende as organizacións con credibilidade neste contexto de podremia da arquitectura xurídico-política do Estado Español. Así, "o esencial das europeas é que se vaian configurando polos de unidade para rematar dunha vez co réxime". 

Cómpre rachar coa troika, e xa que Europa é a Europa dos Estados, a ruptura debe vir dos estados da periferia oprimida, así como de sectores da esquerda dos estados do centro. "Somos a maioría da poboación", cómpre unha alternativa das cidadás e dos cidadáns e das nacións.

A Anova correspóndelle intentar esa unidade de acción en Galiza. Euskadi e Catalunya están en procesos máis avanzados, e no resto do Estado cómpre que sexan os movementos sociais e as organizacións rupturistas quen impulsen o proceso.

Luis Eyré amosouse prudente ante as dificultades para a unidade ampla de toda a esquerda estatal, pero cun punto optimista na medida en que "a proposta de #fronteampla de Anova aínda non recibiu negativa rotunda de ninguén".

Cun programa de mínimos, é posíbel a unidade. Debemos pular por procesos constituíntes nas nacións que den lugar a un marco xurídico-político radicalmente democrático, onde as organizacións políticas non sexan cautivas do capital financeiro e dos oligopolios, onde se recoñeza o dereito á autodeterminación dos pobos. "O primeiro obxectivo é unha auditoría da débeda pública, para eliminar o pago da débeda ilexítima. O segundo, a derrogación inmediata das reformas laborais realizadas dende inicios dos 90. O terceiro, a activación inicial da demanda interna, co estabelecemento dun salario mínimo e dunha renda básica. O cuarto, o estabelecemento dun poder xudicial e unhas normas xudiciais que ataquen á corrupción estrutural, na que se persiga tamén aos corruptores."

Estamos vivindo unha situación análoga á vivida polos países de de Latinoamérica nos 80 e 90: o primeiro obxectivo é parar eso, parar o feito de que os gobernos son monecos de ventrílocuo da plutocracia. O primeiro é que "hai que paralos".

* Enlace aquí.

Alfonso Piñeiro fala sobre a reforma da Administración local en Radio Fusión

Festa do Día de Galiza en Monforte: o 21 de xullo, para todas e todos.

Lembrade anotarvos á Festa do Día da Patria en Monforte. Facede as reservas do xantar en asembleadelemos@gmail.com antes do xoves.

Teremos música e intervencións cívico-políticas, pechadas este ano polo escritor e historiador chantadino Xosé Lois García.

Debate sobre o paro e as medidas do PP en materia de emprego e sobre o parque natural no Courel [audio]

Alfonso Piñeiro Díaz intervén, por Anova, no debate Sexta Feira sobre o paro no primeiro trimestre de 2013 e as medidas do PP en materia de emprego. Tamén sobre o plan de valorización económica do Courel e a non aprobación do Parque Natural do Courel P.

Venres, 3 de maio de 2013.

Debate sobre o aborto e a violencia machista: Emma Rodríguez Blanco [audio]

Debate sobre o aborto, a violencia machista e as medidas para mulleres emprendedoras no rural. En Radio Principal Ser Monforte.

Participa por Anova Emma Rodríguez Blanco, con Julia Rodríguez (PP), Paz Abraira (BNG) e Lara Méndez (PSOE).

"Non se pode permitir que "outros" decidan sobre o corpo da muller: é un recorte aos dereitos e liberdades individuais".

"Nin un médico, nin un xuíz nin Gallardón teñen que decidir sobre o dereito a abortar ou non dunha muller. É un dereito".

Avanzamos na construción dunha ferramenta política para o novo ciclo histórico: Paula Verao sobre a asemblea de Anova [audio]

Paula Vázquez Verao fala en Radio Principal Ser Monforte sobre a asemblea de Anova, o día despois.

"A asemblea de Anova foi moi intensa, houbo momentos de tensión, outros emotivos e con moito cariño, e foi reflexo da situación de cambio que estamos a vivir a nivel global: as ferramentas que queremos contruír para ese novo ciclo político non é doado construílas, pero avanzamos."

"Seguimos apostando pola creba democrática, que sexa a sociedade civil quen tome as rendas para crear un novo sistema político que solucione os problemas da xente".

"A idea de fronte ampla incluínte debe seguir vixente, tendo Anova a soberanía para reformulala en cada caso, buscando a máxima amplitude posíbel, sempre tendo claro que o noso obxectivo é a transformación social".

"Unha forza política transformadora non pode depender dos cartos das institucións".