25 de xullo: imos a Compostela!

O 25 de xullo imos organizármonos para ir a Compostela.

Se queredes participar do día da nosa nación e xantar connosco, podedes contactar no teléfono 647576723 (Emma).

Xornada feminista en Monforte

Será o 27 de abril de 2014. En breve informaremos dos detalles: ide reservando a data!

Asemblea aberta conxunta: Lemos, Chantada e Quiroga

Moito que poñer en común entre as comarcas de Lemos e Chantada, problemas comúns que afectan a todo este territorio e proxectos para pular pola súa solución.
A reforma das pensións, a declaración de patrimonio da Humanidade para a Ribeira Sacra, a reivindicación da ANPA do Infanta Elena, a fronte ampla para as europeas...

Este mércores, asemblea das asembleas de Lemos, Sober e Chantada en Monforte, ás 20 h en Carude.

Anímate e participa! Contacta connosco.

asembleadelemos@gmail.com

O ensino público a debate: charla-coloquio en Monforte: 7 de novembro

Anova quere contribuír ao debate sobre o ensino público:

- que está a pasar coa privatización?

- que atoparemos as mozas e mozos ao chegar á Universidade?

- está en perigo o modelo público de ensino?

Destas e doutras cuestións falaremos con dous representantes de dúas facetas da comunidade educativa: ensinante e alumno.

Acompañarannos Xosé Manuel Castro González, mestre de Filosofía e Historia no ensino medio, e Xosé Miguel Diéguez Rodríguez, estudante membro da Delegación de Alumn@s de Ciencias Xurídicas da UVIGO.

O debate será o xoves ás 20:15 h en Monforte, na Casa da Cultura.

Vivir no "país ribeirao": oportunidades e desafíos. Xornada práctica en SOBER

O vindeiro 10 de novembro teremos unha xornada práctica - compartida coa Mocidade de Anova - en torno ás oportunidades e desafíos que ten o noso rural.

Olería, viticultura, turismo, produtos tradicionais... 

Os obxectivos son coñecer as condicións de produción e a etnografía de produtos típicos do mundo ribeirao do interior galego e ver oportunidades de emprego da xente moza no rural a partires destes produtos, do cultivo ecolóxico e do turismo sostíbel.

Tamén coñecer algo máis o “país ribeirao”, como ámbito cultural ligado ao río Sil, ao cultivo do viñedo e á castaña nas zonas máis altas.

Pretendemos ademais irmanar zonas interiores do País (Terra de Lemos, Caldelas, Trives) con características socioeconómicas similares: baixa natalidade, poboación envellecida, baixos ingresos, o trauma do encoro... 

Ampliaremos información estes días.

Na xornada haberá un xantar, polo que cómpre apuntarse antes do 7 de novembro.

O prezo da xornada son 4 €.

Unha xornada reivindicativa da nación en Monforte

Na celebración do Día da Patria en Monforte: calor, rúas desertas, gran ambiente e inicio do que queremos que sexa tradición, un día da patria en Monforte con actividades participativas e onde, como dixo Xosé Lois García na lectura do "pregón" deste ano, "non falemos de siglas, senón de proxecto, de resolver oas problemas da cidadanía". Comezamos!

Deixámosvos a ligazón ao fermoso discurso que nos adicou Xosé Lois García.

Ademais, Diego Taboada leunos un artigo, Paula Vázquez Verao un poema e a música puxérona Os Parentes.

Festa do Día de Galiza en Monforte: o 21 de xullo, para todas e todos.

Lembrade anotarvos á Festa do Día da Patria en Monforte. Facede as reservas do xantar en asembleadelemos@gmail.com antes do xoves.

Teremos música e intervencións cívico-políticas, pechadas este ano polo escritor e historiador chantadino Xosé Lois García.

Anova chama á participación activa.

Anova apoia a folga xeral do 14N: paramos para paralos!

Anova-Irmandade Nacionalista apoia a convocatoria de folga xeral para o día 14 de novembro e participará activamente nas mobilizacións.

Anova do sur de Lugo participará na manifestación de Monforte, que sae ás 19:30 horas da praza de España, e anima a toda a cidadanía a manifestarse contra os recurtes en sanidade e educación, contra os desafiuzamentos e contra o sometemento dos estados aos ditados dos mercados, que empobrecen á maioría social. A xornada de folga é extensiva a toda Europa, porque outra Europa é posíbel, unha Europa social e dos pobos.

Anova-Irmandade Nacionalista

Sur de Lugo

asembleadelemos@gmail.com

Contra a suba das taxas xudiciais.

Anova-Irmandade Nacionalista rexeita a suba das taxas xudiciais, que supoñen que a Xustiza deixe de ser universal, excluíndo dela a quen non pode afrontar o seu custo.

Anova do Sur de Lugo participou na concentración contra as taxas xudiciais que tivo lugar o 9 de novembro en Monforte, diante dos xulgados, contra as taxas xudiciais.

Emma Rodríguez Blanco, voceira de Anova-Lemos.

Conferencia de Xosé Manuel Beiras: "construíndo a ferramenta política que Galiza precisa".

Conferencia "Estamos en obras: construíndo a ferramenta política que Galiza precisa". Xosé Manuel Beiras Torrado.

Venres, 29 de xuño, ás 20:30 horas.

Casa da Cultura de Monforte de Lemos.